Дыплом ІІІ ступені ў намінацыі “Лепшы адукацыйны праект для дзяцей” прывезлі супрацоўнікі музея-сядзібы М. К. Агінскага з Нацыянальнага форуму “Музеі Беларусі – 2016”, які праходзіў у Магілёве.
Тэма сёлетнега форуму “Музеі ў новай крэатыўнай эканоміцы”. Праграма, якую прадставілі залескія музейшчыкі, называлася “Вяртанне дзіцячых баляў у Паўночныя Афіны”. Акрамя гэтага быў прэзентаваны новы 7-хвілінны відэафільм “Тут гучаць паланэзы”, а яшчэ пра дзейнасць музейнай установы ўдзельнікі форуму маглі даведацца з інфармацыі на вялікім банары, упрыгожаным выявай карціны Леанарда Ходзькі “Залессе ў Літве. 1822”, і з візітовак, буклетаў, каляндарыкаў і іншай рэкламнай прадукцыі.
Усяго ў экспазіцыйнай і дэманстрацыйнай праграмах форуму былі прадстаўлены 120 суб’ектаў, з якіх 98 музеяў сістэмы міністэрства культуры. Лепшыя музеі Беларусі былі прадстаўлены дасягненнямі ў стварэнні новай эканамічнай крэатыўнай мадэлі на падставе інавацыйных інфармацыйных сістэм.
Ала СТРАШЫНСКАЯ.
по материалам сайта:www.shliah.by
