Чалавек жыве, пакуль жыве пра яго памяць. Год таму, 11 студзеня, пакінуў гэты свет заслужаны настаўнік Рэспублікі Беларусь, кандыдат педагагічных навук Расціслаў Шчасны. Апошнія 27 гадоў Расціслаў Сцяпанавіч працаваў настаўнікам гісторыі і грамадазнаўства ў СШ №1, стварыў музей школы.

       Да году пасля смерці ў гэтым музеі з’явіўся стэнд, прысвечаны памяці цудоўнага педагога. 

        У стварэнні стэнда ўдзельнічалі мастак  Дзмітрый Ярмак, а таксама Віталь Лукашэвіч, былы вучань Расціслава Шчаснага і цяперашні загадчык музея, Уладзімір Церабун, заслужаны дзеяч мастацтваў РБ, скульптар, які падтрымліваў творчыя і сяброўскія сувязі з Расціславам Сцяпанавічам.