У музеі-сядзібе М. К. Агінскага адбыўся канцэрт вядомых выканаўцаў класічнай музыкі з Польшчы — ансамбля «Гданьскае трыо».

У праграме прагучалі творы М. К. Агінскага, Р. Шумана, Л. Надэльмана, Ф. Шапэна.

У складзе камернага ансамбля піяністка Ганна Прабуцка-Фірлей (фартэпіяна) – выкладчык Гданьскай акадэміі музыкі, а таксама дырэктар Міжнароднага конкурса камернай музыкі імя І. Брамса, сябра журы міжнародных конкурсаў, лаўрэат найвышэйшых дзяржаўных узнагародаў Рэспублікі Польшча.

Кшыштаф Сперскі (віяланчэль) – выканаўца і саліст, лаўрэат сольных і камерных музычных конкурсаў, стыпендыят польскага Міністэрства культуры.

Павел Куклінскі (скрыпка) – лаўрэат сольных і камерных музычных конкурсаў, мастацкі дырэктар камернага аркестра ў Эльблонгу.

Па матэрыялах shliah.by