Камісія вызначыла лепшых у кожнай намінацыі. У намінацыі “Гарадская арганізацыя” (за выключэннем устаноў сацыяльнай сферы і сферы абслугоўвання) першае месца з уручэннем прэміі ў памеры 8 базавых велічынь прысуджана філіялу “Смаргонскія малочныя прадукты”. Другое месца і прэмія ў памеры 7 базавых велічынь атрымала камунальнае ўнітарнае прадпрыемства “Смаргонскі ліцейна-механічны завод”. Трэцяе і 6 БВ прысуджана вытворчаму прадпрыемству “Смаргонскі камбінат хлебапрадуктаў”. ААТ “Смаргонскі завод аптычнага станкабудавання” атрымаў заахвочвальную прэмію ў дзве БВ.
Сярод устаноў сферы абслугоўвання (за выключэннем гандлёвых аб’ектаў) пераможцам стала вытворчае ўпраўленне “Смаргоньгаз”, а прызёрамі прызнаныя РУП “ЖКГ” і Смаргонскі занальны вузел электрасувязі РУП “Белтэлеком”. Заахвочвальную прэмію ў дзве БВ атрымае ДРБУ №134.
Сярод устаноў адукацыі першае месца прысуджана гімназіі, другое падзялілі УА “Смаргонскі яслі-сад – пачатковая школа” і “Яслі-сад № 9 г. Смаргоні”. Трэцяе – вучэбна-педагагічны комплекс “Сінькоўскі яслі-сад – сярэдняя школа” і Яслі-сад №15 г. Смаргоні. Заахвочвальнай прэміяй адзначана СШ №1.
У намінацыі “Установы сацыяльнай сферы” лепшае навагодняе ўпрыгожванне, на думку камісіі, у ДРАЦ “Лясная паляна”, другое месца ў Цэнтра культуры, трэцяе – у Смаргонскага цэнтра фізкультурна-аздараўленчай і спартыўнай работы”. ДЮСШ па футболу атрымала заахвочвальны прыз.
Сярод гандлёвых арганізацый пераможцам прызнаны магазін “ГУМ” ААТ “Рубін”. На другім месцы магазін “Славянка” ААТ “Спадчына”. На трэцім – магазін “Анастасія” УВП “Смаргонскі камбінат хлебапрадуктаў”. Заахвочвальны прыз у гандлёвага аб’екта “Обувной” УП “Изобилие”.
Сярод жыхароў прыватнага сектара першае месца і 6 базавых велічынь атрымае жыхар вул. Якуба Коласа А. Я. Сінькевіч. На другім месцы домаўладанне Д. К. Жука, што на вул. Артура Цяжкага. На трэцім жыхарка вул. Матросава М. І. Бумбуль. Прызёры атрымаюць адпаведна 6 і 4 базавыя велічыні.
Асобна падводзіліся вынікі конкурсу на лепшае святочнае ўпрыгожванне аб’ектаў сельскай мясцовасці.
Сярод арганізацый месцы размеркаваліся наступным чынам: першае – філіял “Жодзішкі” УВП “Смаргонскі камбінат хлебапрадуктаў”; другое – КСУП “Сінькі”; трэцяе – КСУП “Соўбел 2016”.
Сярод сельсаветаў найлепш упрыгожаны адміністрацыйныя цэнтры Каранёўскага сельвыканкама – І месца, Сольскага сельвыканкама – ІІ, ІІІ месца ў Залесскага сельвыканкама.
Сярод домаўладальнікаў сельскай мясцовасці першае месца і 6 базавых велічынь у домаўладальніцы з в. Мацюляны С. Г. Банцар. Другое і 5 БВ у жыхара в. Сыраваткі М. Д. Рудзяка, трэцяе месца па дзялілі жыхарка в. Міхневічы Т. У. Чапурова і С. А. Бурштын з в. Мілуці.
