Са святам віншуе старшыня раённага Савета дэпутатаў Іван РАМАНОВІЧ.

Для Беларусі Кастрычніцкая рэвалюцыя прынесла нацыянальнае самавызначэнне і асабістую дзяржаўнасць. З падзеяй, якая адбылася 7 лістапада 1917 года, звязаны шматлікія перамогі, іншыя  дасягненні нашага народа, якія і цяпер застаюцца прадметам нашай гордасці. Рэспубліка Беларусь упэўнена ідзе шляхам развіцця. Стваральная праца, імкненне да сацыяльнай справядлівасці, павага да гісторыі і традацый – галоўныя фактары кансалідацыі нашага беларускага грамадства.

Потым удзельнікі ўрачыстага мерапрыемства паглядзелі відэафільм аб Кастрычніцкай рэвалюцыі і падыскутавалі на тэму: 

“Кастрычніцкая рэвалюцыя – галоўная падзея 20 стагоддзя ці трагічная памылка”. 

Выступае старшыня раённай ветэранскай арганізацыі Уладзімір КАСАКОЎСКІ.

У дыскусіі ўдзельнічалі начальнік аддзела па ідэалагічнай рабоце і справах моладзі райвыканкама Ганна Джумкова, старшыня раённай ветэранскай арганізацыі Уладзімір Касакоўскі, настаўнікі гісторыі гарадскіх і сельскіх школ, іншыя знаўцы далёкага мінулага. Адзінай думкі не было, выказваліся розныя погляды на падзеі 100-гадовай даўнасці, калі ўладу ў свае рукі ўзяла партыя бальшавікоў.

Напрыканцы ўрачыстасці работнікі раённага Цэнтра культуры выканалі патрыятычныя песні савецкіх часоў, у тым ліку і на рэвалюцыйную тэматыку. Ім падпявалі гледачы – прадстаўнікі старэйшага пакалення, якія нарадзіліся і жылі ў Савецкім Саюзе.

Гледачы ўважліва слухаюць знаўцаў гісторыі.

У дыскусіі разам з мужчынамі ўдзельнічалі і жанчыны.

Патрыятычныя песні савецкіх часоў выконваюць работнікі культуры.

Спяваюць гледачы.

Юрый ЯНУШКЕВІЧ.

Фота аўтара.