Госці Смаргоншчыны правялі гэта мерапрыемства ў інтэрактыўнай форме, чаргуючы свае выступленні з літаратурнымі віктарынамі, краязнаўчымі конкурсамі, а самым галоўным стаў конкурс на лепшае пытанне для пісьменнікаў, якое Уладзімір Арлоў ладзіць падчас сваіх сустрэч з чытачамі і на падставе якіх выйшла яго кніга “Пакуль ляціць страла”. На сто пытанняў слынны літаратар дае свае адказы.

Але галоўнай кнігай, прэзентаванай на сустрэчы, стала “Айчына: маляўнічая гісторыя ад Рагнеды да Касцюшкі”. Уладзімір Арлоў сцісла перадаў змест выдання, адзначыў, што на яе старонках знайшлі адлюстраванне і гістарычныя мясціны Смаргоншчыны.

Ігар Урэбс, які пераклаў на беларускую мову многіх замежных аўтараў, больш падрабязна спыніўся на “Прыгодах барона Мюнхаўзена” і таксама ўвязаў імя гэтага “вялікага хлуса” з нашым краем, бо ёсць дакладныя доказы, што барон наведваў у свой час Вялікае Княства Літоўскае, нават свайго каня ён назваў “Літвінам”.

Сустрэчу ўпрыгожылі выступленні выкладчыкаў і навучэнцаў школы мастацтва, вучняў гімназіі і СШ №1.

Ала КЛЕМЯНОК.

Фота аўтара.