У Бялкоўшчынскім Доме культуры са святочнай канцэртнай праграмай агляду мастацкай самадзейнасці перад аднавяскоўцамі выступілі самадзейныя калектывы.
Гледачоў радавалі сваёй творчасцю дарослыя і юныя артысты. Яны выконвалі сольныя нумары, выступалі ў складзе груп.
Прыемныя хвіліны радасці падарылі трыа “Настальгія”, юныя ўдзельнікі гуртка эстрадных спеваў “Вясёлыя ноткі”, цымбалістка Марыя Міхайлава, удзельнікі тэатра мініяцюр “Весялухі”, вакальная група “Чараўніцы”.
Пасля заканчэння канцэртнай праграмы намеснік начальніка аддзела ідэалагічнай работы, культуры, па справах моладзі райвыканкама Таццяна Ражэва высока ацаніла творчы патэнцыял бялкоўшчынскіх самадзейных артыстаў, цёплыя, прыемныя словы ім сказала в. а. старшыні Каранёўскага сельвыканкама Святлана Норык.
Юрый ЯНУШКЕВІЧ.
Фота аўтара.
