У кастрычніку 2017 года споўнілася 230 год са дня смерці Анджэя Агінскага, бацькі М.К.Агінскага. Менавіта гэтай падзеі была прысвечана гістарычна-літаратурная гасцёўня “Ваявода Трокскі Анджэй Агінскі, бацька Міхала Клеафаса”.
Дата была выбрана не выпадкова, пачатак лістапада для католікаў і праваслаўных звязаны з успамінам памерлых. Мерапрыемства пачалося са слоў святароў: ксяндза Алега Жураўскага і святара Аляксандра.
Супрацоўнікі музея-сядзібы ў тэатралізаванай форме ўспаміналі Анджэя Агінскага, як палітыка, грамадскага дзеяча, клапатлівага і добрага бацьку і мужа.
На гасцёўні прысутнічалі таксама і дзеці, таму супрацоўнікі правялі віктарыну, пераможцы якой атрымалі квіток на бліжэйшы канцэрт у сядзібе.
У гонар сям’і Агінскіх прагучаў невялічкі канцэрт трыа камернай музыкі “Унісон”.
Святлана КЕНЬКА.
Фота аўтара і Тамары ЛІС.
