У смаргонскім раённым Цэнтры культуры і адпачынку ўшанавалі памяць ахвяр і ліквідатараў наступстваў аварыі на Чарнобыльскай атамнай электрастанцыі.

Да прысутных у зале звярнуўся з прамовай старшыня раённага Савета дэпутатаў Іван Рамановіч.

Іван Іванавіч запэўніў, што для мясцовых органаў улады і праз 30 гадоў пасля Чарнобыльскай бяды прыярытэтнымі застаюцца праблемы грамадзян, якія пацярпелі ад выбуху ядзернага рэактара, а таксама тых, хто браў удзел у лікідацыі наступстваў тэхнагеннай катастрофы.