НОВОСТИ / АНОНС

Свята “Запалім агеньчыкі на ёлцы разам” адбылося ў Крэўскіх яслях-садзе - сярэдняй школе

12 декабря 2018 г.

10 снежня ў дзяржаўнай установе адукацыі “Вучэбна-педагагічны комплекс Крэўскі яслі-сад - сярэдняя школа” адбылося свята “Запалім агеньчыкі на ёлцы разам”, якое было прысвечана старту акцыі “Нашы дзеці”. Аб будучым мерапрыемстве ведалі ўсе і рыхтаваліся загадзя. Ужо ўпрыгожаны кабінеты і калідоры. Аб зіме напамінаюць выцінанкі на вокнах. Упершыню аформлена фотазона.

Права запаліць агеньчыкі было дадзена нашым 6 алімпіяднікам, якія паказалі рэзультатыўны вынік па прадметах на II этапе рэспубліканскай алімпіяды.

Выхаванцы сада і вучні школы на елачкі павешалі цацкі і ўпрыгожванні. Казка ажыла! Але ў руках дзяцей было яшчэ шмат цацак і канцэлярскіх тавараў – так яны падрыхтаваліся да дабрачыннай акцыі. Першымі паказалі прыклад старшыня Крэўскага сельвыканкама Дзятчык Віктар Мікалаевіч і дырэктар установы Капыш Таццяна Францаўна. Куфар пачаў хутка напаўняцца.

Акцыя будзе працягвацца. Па рашэнню Савета ўстановы падарункі будуць размеркаваны для дзяцей у прытулак, дзецям-інвалідам і пажылым людзям, якія знаходзяцца ў Крэўскай бальніцы сястрынскага догляду. Запрашаем да ўдзелу!